[k-m-n-g-h] Only in Roma Italy

 

 

---

بس في ايطاليا (خذ وخل قبل كل شيء) في يوم كنت اتمشى  في مدينة روما الإيطاليه من شارع الى شارع ومن محل الى محل وكان الجو جميل وبراااد المهم وانا اتمشى مريت على هذي البوابه الكبيره   اعجبني منظرها وقلت يالله ندخل ونشوف وش وراها, صارت هذي البوابه تودي لجسر للمشاة   وهذا الجسر يمر على نهر     الجهه المقابله من النهر   صرت اتمشى على الجسر يمين ويسار واتفرج على خلق الله لفت نظري وجود شي غريب على هذا الجسر المفروض مايكون هذا مكانه ابداً لكن وش جاب هذا الشي هنا؟!!! شفتلي بنت عندها طاوله عليها عشرات الاقفال اللي هي موضوعنا!!!     !!!!! رجعت التفت للجهه الثانيه شفتلي وجه مألوف لي بنقالي عنده طاوله ثانيه لكن اكبر وعليها بعد اقفال     اللي اعرفه ان البنقاليين مايبيعون الا عرق او يمررون مكالمات هذا وش جابه هنا؟! رحت للبنقالي, على قولتهم وجه تعرفه ولا وجه تنكره سلمت عليه قلت له انت عايش هنا من زمان قال لي 15 سنه وكان يتكلم لغه البلد بطلاقه قالي انت سعودي (طلع ذهين) قلت ايه قال انا اشتغلت في السعوديه قبل 15 سنه لكن الحين نسيت اللغه العربيه قلت وش تشتغل الحين قال ابيع اقفال قلت له ليش تبيع اقفال؟ قال عشان اي واحد يحب وحده او يبغى يهدي زوجته هديه !!! قلت له يهدي حبيبته او زوجته قفل؟! قال لا.. يشترونه مني ويكتبون اساميهم عليه ويحطون التاريخ وبعدين يقفلونه في المواصير المنتشره على الجسر وبعدين يرمون المفتاح في النهر قلت ليش هذا كله؟ قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل بعدين قالي انت ماتشوف المواصير اللي على الجسر كيف مليانه من الاقفال واشر لها انا طالعت للمواصير وذهلت من المنظر شي مهول اعداد هائله من الاقفال على كل ماصوره وكل عمود وكل زاويه وفي اي مكان يصل له القفل   . . . .

 

 

--~--~---------~--~----~------------~-------~--~----~
وصلتك هالرساله يابعدي لانك مشترك معنا بقروب "كمنجه"

لابغيت ترسل اي رسالة للاعضاء ارسل اللي تبي لـ هالايميل
kmngh@googlegroups.com

واذا بغيت تشوف القروب كله وتشوف اوضاعه بخير اووب بخير من هنا
http://www.groups.google.com.jo/group/kmngh?hl=ar

وان بغيت تعليمات وشروط الارسال

http://www.k-m-n-g-h.blogspot.com

على العموم ان ماجازت لكم المجموعه

تقدرون تلغون اشتراككم بطريقة سهله

بأنكم ترسلون رساله لـ
kmngh-unsubscribe@googlegroups.com

بعدين تبي تجيكم رساله سوو لها Reply بدون ماتضيفون حرف واحد

او ارسال رسالة من ايميلك الى الايميل التالي

kmngh.group@hotmail.com
-~----------~----~----~----~------~----~------~--~---