[k-m-n-g-h] أنا ما فيني شي ..

 

 

 

 

ماوحشتك !؟
يعني ماهزِّك غيـابي ؟
مافقدت إنتَ وجــودي ؟
ماشعرت بـــ "شي ناقص" ؟!!

miss ruba

 

 

 

 

 

 

 

 

 

أنا ما فيني شي ..

جوابي العادي لسؤالك المعتاد ..
تبي تعرف وش اللي فيني.؟.

أوقف معي لحظة .. وحاول تكتب معي ..
على سطور الورق .. وبحروف من حبر القلم ..

أكتب في أول السطر أو حتى في آخر السطر ..
أنا ما فيني شي ..

أنا مو بيقتلني الندم ..
أنا كلي آهات وألم ..

أنا في نهاري .. جروح قلبي تصاحبني ..
وفي ليلي .. الوحدة تلازمني ..

أنا ما فيني شي ..

بس أبي كل شي ..
أبيإنسان يفهمني .. يستوعب مدى جرحي ..

ويمحي بلمسة أثر همي ..
أبي إنسان يحكمني .. من راسي لأقدامي ..

أبي حضنه يدفيني .. كل ما نزلت دمعة من عيني ..

أبي عينه تناظرني .. وحرارة شوقه تحرقني ..

أبي جسمه يلم اللي بقى فيني ..

وبقوة يحسسنيبجنون الحب وأنواعه ..

وأحس إني أمل روحه .. ودمه اللي بعروقه ..

وإني كل ما كان من عمره ..

وأقرب له من شرايينه ..

وأكثر حتى من نبض قلبه ..

أبيه يحبنيلذاتي .. ويعشق حتى نظراتي ..

ويموت .. يموت بهمساتي ..

أبي لا جيت له أمشي ..

يجري شوقه يحضني .. ويسابقه حبه ..

بعد كل هذا تسألني .. وش فيني ..؟!!

أنا ما أبيك تسألني .. أنا أبيك تفهمني ..

تعبـــــــــــــــــــــت ..

 

 

 

 

 

تعبت من الأسئلة ..

 وتعبت أكثر من تكرار الأجوبة ..

أنا ما أبي أسمع إلا كلمة ..

كلمة ترد الروح فيني .. وتنسيني جروحي ..

أنا ما فيني شــــــــي ..

بس أبيك تحسسني بكل شي ..

--~--~---------~--~----~------------~-------~--~----~
وصلتك هالرساله يابعدي لانك مشترك معنا بقروب "كمنجه"

اذا بغيت تتواصل مع ادارة القروب  اضف هالايميل عندك
kmngh.group@hotmail.com

لابغيت ترسل اي رسالة للاعضاء ارسل اللي تبي لـ هالايميل
sloooom44@gmail.com

واذا بغيت تشوف القروب كله وتشوف اوضاعه بخير اووب بخير من هنا
http://www.groups.google.com.jo/group/kmngh?hl=ar

وان بغيت تعليمات وشروط الارسال

http://www.k-m-n-g-h.blogspot.com

على العموم ان ماجازت لكم المجموعه

تقدرون تلغون اشتراككم بطريقة سهله

بأنكم ترسلون رساله لـ
kmngh-unsubscribe@googlegroups.com

بعدين تبي تجيكم رساله سوو لها
 Reply
 بدون ماتضيفون حرف واحد

او ارسال رسالة من ايميلك الى هالايميل

kmngh-group@hotmail.com
-~----------~----~----~----~------~----~------~--~---